Bisedë rreth vëllimit poetike "Amë", të autores Nora Prekazi

Pasditen e djeshme, në Sallën "Koliqi" u organizua një bisedë rreth vëllimit poetike "Amë" të autores nga Mitrovica, Nora Prekazi.

E pranishme në këtë takim ishte vetë autorja Prekazi e cila diskutoi gjithashtu rreth temave që kishin të bënin me qytetin e saj të lindjes, problematikat kulturore e historike, si studiuese e antropologjisë dhe drejtuese e muzeut të qytetit, për gruan dhe forcën e saj, për mënyrën si ajo vetë e sheh poezinë.

I pranishëm ishte edhe aktori Fisnik Istrefi i cili përcolli për të pranishmit poezitë e Nora Prekazit.

Ky takim është i pari në serinë e takimeve që do të mbahen në kuadrin e Muajit të Letërsisë dhe Arteve.

Takimi u drejtua nga poetja Arjola Zadrima.

Lidhur me poezinë e Prekazit dhe personalitetin e saj foli profesoresha Orjeta Dushi dhe poetja Rozafa Shpuza.