Para pak kohësh me ftesë të Institutit Albanologjik të Prishtinës, përfaqësues të bibliotekës publike "Marin Barleti" dhe të bibliotekës universitare "Luigj Gurakuqi", paraqitën në mjediset e këtij institucioni punën e bërë në krijimin e bibliotekave digjitale. Përfaqësues të dy bibliotekave diskutuan me kolegët kosovarë arritjet e tyre, por njëkohësisht kërkuan edhe mundësi bashkëpunimi. Me mjaft interes ishin edhe takimet e punës me kolegët e tyre, që u zhvilluan në mjediset e bibliotekave të I.A.P., si dhe të Bibliotekës Kombëtare të Kosovës. Bibliotekarët nga Shkodra u pritën në një takim kortesie nga drejtuesit e kësaj biblioteke.