Promovim librash : "Vogëlushja" dhe "Qyteti i vuajtjes", të autorit Mark Zadeja

Në Bibliotekën “Marin Barleti” u zhvillua sot promovimi i librave “Vogëlushja" dhe "Qyteti i vuajtjes”, të autorit shkodran Mark Zadeja. Këto libra bëjnë pjesë në gjininë e memorialistikës ku në fokus është gjendja e vështirë sociale, politike, ekonomike që ka kaluar shoqëria shqiptare, e në veçanti Shkodra, gjatë periudhës së diktaturës. Shkrimtari Mark Zadeja e cilëson Shkodrën si një nga qytetet më të vuajtura në të gjithë vendin. Në këtë veprimtari përurimi morën pjesë familjarë dhe miq të shkrimtarit Mark Zadeja, ndërkohë që vlerësime për librin bënë edhe shkrimtarë të njohur të qytetit të Shkodrës.