Promovim i librit : "Mahmud Pashë Bushati Skënderbeu i Ri"

Në Bibliotekën “Marin Barleti” u zhvillua të shtunën promovimi i librit “Mahmud Pashë Bushati Skënderbeu i Ri”, i autorit Prof. dr. Fedhon Meksi. Ky është libri i parë monografik që i kushtohet jetës dhe veprimtarisë së Mahmud Pashës si një nga personalitetet më të rëndësishëm në historinë e lëvizjes shqiptare për pavarsi. Përveç autorit Fedhon Meksi, në këtë veprimtari folën edhe autori i parathënjes së librit, Dr. Ardian Muhaj, z Jani Malo, botues, z. Gjovalin Çuni, studiues, bibliograf si dhe pjesëmarres të tjerë. Veprimtaria u moderua nga drejtori i Biliotekës, z. Maxhid Cungu.