Biblioteka Marin Barleti

Veprimtari Shkencore kushtuar veprës letrare të Hamid Gjylbegaj

Në kuadrin e njohjes dhe studimit sa më të plotë të veprimtarisë letrare të autorëve shkodranë, Biblioteka "Marin Barleti" zhvilloi veprimtarinë shkencore kushtuar veprës letrare të shkrimtarit Hamid Gjylbegaj. Aktiviteti u hap me vargje të poetit, të interpretuara nga aktori Zef Ndoja. Në vazhdim drejtori i Bibliotekës, Maxhid Cungu përshëndeti të pranishmit dhe foli mbi jetën e shkrimtarit dhe atdhetarit Hamid Gjylbegaj. Më pas studiuesit që morën fjalën paraqitën kumtesat e tyre. Shkrimtari Arjan Leka, punojës shkencor pranë Institutit të Letërsisë Tiranë njëkohësisht njohës i mirë i Gjylbegajt, foli mbi disa koncepte të krijimtarisë së tij. Pedagogu i Letërsisë Gëzim Puka trajtoi aspekte të përmbajtjes dhe të stilit të veprës në fjalë. Shkrimtari Xhahid Bushati paraqiti esenë me titull “….marr frymë ajrin e Atdheut”. Kumtesa e studiuesit Gjovalin Çuni, të cilën në mungesë të tij e paraqiti pedagogia e Letërsisë Ermira Alija, kishte të bënte me polemikat dhe diskutimet që autori kishte me personalitete intelektuale të kohës. Historiani Ardian Muhaj, punojës shkencor pranë Institutit të Historisë në Tiranë, paraqiti studimin mbi personalitetin liridashës dhe qëndrestar të Gjylbegajt përballë dhunës së diktaturës. Në aktivitet, përveç shumë miqve të Bibliotekës, morën pjesë edhe pasardhës të familes Gjylbegaj të cilët falenderuan studiuesit dhe stafin e Bibliotekës për organizimin e kësaj veprimtarie. Kumtesat do të botohen në të ardhmen në organet e shtypit të Bibliotekës "Marin Barleti".

OPAC

Katalogu online i bibliotekes per libra periodike etj

COBIB.AL

Baza e perbashket e te dhenave bibliografike/Katalogu

Librat e vjeter

Libra te rralle, Doreshkrime te skeduara (FLASH)

Katalogu PDF

Libra e periodike te skanuara ne formatin PDF te shkarkueshme