Biblioteka Marin Barleti

Me 23 tetor, përkujtojmë lindjen e poetit kombëtar, Atë Gjergj Fishta.

Një lule vjeshte

N’ atë rrahe t’vdekunve mbrenda vorrit t’ errshem

Tash pluhun jé. Ata dy sy t’ janë errë,

Ku qiella prirej me sa hana e diella

Terthores s’ eper m’ sharte vrejnë t’ njerzimit!

T’ janë sosun fjalët e ambla e plot urti,

E ai zâ t’ asht kputë, i cili bite n’ zemer

Si kumbë liret t’ tingllueshme, qi prej s’ largu

Ndihet tue ra, kur dora e prekë e mësueme!

Ehu! Po; “vdekja, qi baras n’ derë t’ pallateve

Trokllon, si n’ trinë t’ kolibavet,” ku i vorfni

Me lot njomë buken, ty edhe ajo ké dera

T’ troklloi, e ti kalove, porsi vesa

E natës kalon, kur dielli bjen me shndritun

Mbi kobe t’ dheut. Sot permbi vorr t’ kanë bijtun

Hithat e madergona! Nji Kryq dëllijet,

Qi e pershpirtshme nji dorë ta vu té kryet,

Nder to ka humb, as tjeter send trishtimin

E vorrit nuk t’ a zbutë, posë vajit t’ trishtueshem

Të hutit t’ natës, qi nëpër curra t’ malit

Dhimbshem në rreze t’ hanës rrin tue gjëmue!…

Katalogu online i bibliotekes per libra periodike etj

Baza e perbashket e te dhenave bibliografike/Katalogu

Libra te rralle, Doreshkrime te skeduara (FLASH)

Libra e periodike te skanuara ne formatin PDF te shkarkueshme