Gruaja burim vlerash - Në kuadrin e 21 Marsit, Ditës Ndërkombëtare të Poezisë

“Gruaja burim vlerash” titullohej aktiviteti i mbajtur në ambientet e Bibliotekës Publike “Marin Barleti” në bashkëpunim me gjimnazin privat “Dituria”. Në kuadrin e 21 Marsit, Ditës Ndërkombëtare të Poezisë, nxënësit e gjimnazit nën drejtimin e dy mësueseve të pasionuara Arjola Hoti dhe Rezarta Mlika, mbajtën një orë letrare kushtuar poezisë dhe gruas. Në qendër të këtij aktiviteti ishin interpretimet emocionuese të nxënësve duke u bazuar te poetët shqiptarë, por nuk munguan edhe krijimet nga vetë nxënësit.