Ky roman shtrihet në tre periudha të historisë së Shqipërisë, është një sagë familjare dhe përfshin personazhe fiksionalë dhe realë. Subjekti është përqëndruar në lojën e teatrit, në kuptimin e drejtpërdrejtë apo metaforik, në skenë dhe jashtë saj.

Gjatë bisedës së tij për çështjet aktuale që lidhen me letërsinë, Zhiti shprehet se shkrimtarët kanë misionin e veçantë për të dhënë artistikisht realitetin e shoqërisë shqiptare në kohë të ndryshme.

Ndërmjet tjerash ai shprehet i lumtur që prezanton librin e tij në qytetin ku është diplomuar.

Në fund të këtij takimi që shënon edhe mbylljen e Festivalit të 15-te Letrar të Shkodrës, drejtori i Bibliotekës Maxhid Cungu, falenderoi pjesëmarrësit dhe theksoi se ky Festival zgjeroi pjesëmarrjen e shkrimtarëve nga vende të tjera dhe pati risi përsa i përket shumëllojshmërisë së zhanreve letrare që u paraqitën gjatë zhvillimeve të tij.